ومرقت سنة…

قلبي بإيدي ومطرحو فاضي
وبعرف شو بدّك ياني أعمل فيه
رح اعصرو وصفّيه من الماضي
بلكي بيصير الحاضر بيكفيه

مرقت سنة شو مبلّلة بدموع
وشو ملبّدة بغيوم مسودّة
بوقتا شو عزتك… شو كنت موجوع…
وشو سألت عنّك… ما كنت حدّي…

مش جايي حتّى إسألك وين كنت
ولا جايي أترجّاك ترجعلي
جايي ت قلّك كنت حبّك إنت
ان قبلت أو ما قبلت تسمعلي

قلبي بإيدي ومطرحو فاضي
وما بفتكر ناوي بقى مليه
ما بقا تحرز خانق وراضي
بعرف طريقي، ووحدي رح كفّيه…

You may also like