مش وحدي٠٠٠

May 6, 2017

مش وحدو قلبي اندبح ع غيابك
حتّى أيّار عليكِ عم يبكي
وعَ حروفي اللي المشتاقة لكتابك
دمعاتو نقطة نقطة عم تتكي

حتّى الشمس ال بتوزّع الألوان
شلحت ع تاجا غيمة مسودّة
وقعدت معي نبكيكِ وبأحيان
بتتركني وحدي أسقي المخدّة

حتّى الطقس، ضايع ومدري كيف
مش قابل يصيّف ولا نتفة
عرّى الشجر متل بفصل الخريف
وغطّاكِ بِورقاتو تتدفي

حتّى القمر اللي بيضوي عالعشّاق
من يومتا لوحدو رجع أزغر
وفزعان يضوّي حتّى ما يشتاق
ع حلوة تبقى برفقتو تسهر

وهالحلو المفتكرة صفّا غريب
وكلمة عوافي بطّل يقلّك
بعدِك بقلبو جرح ما بيطيب
ووحدو اللي يمكن قدّي مشتقلك

You may also like