كذبة أوَّل نسيان…

أنا أحسن، كتير أحسن، وضعي تمام
بطّلت اشتقلك وبطّلت عم ببكي
غمّضت عينيّ ونمت بسلام
وبطّلت للعالم عنّك أحكي

رجعت اضحك، رجع قلبي يدقّ
ورجعوا عيوني يلمعوا من جديد
ما عدت أتشكّى ولا عدت نقّ
وأيّامي عم تضوي كأنّا عيد

منعت البكي بالليل يطلعلي
ومنعت اسمك يعصر بقلبي
كتمت حكاياتي تما تسمعلي
وضبضبت ذكرياتك بعلبة

ما عدت عم بسأل عن اسرارك
ولا عن اللي عم بيقولوه الناس
صيّرت آخر همّي أخبارك
صحتين عقلب غيري هالكاس

أنا أحسن، والله أحسن، عم بحكي جدّ
مش صحّ أنّو هالحكي كذبة
حاجي تساؤل، حاجي أخد وردّ
تعلّمت منّك أكذب وخبّي

You may also like